៥ប្រទេសដែលមានចំនួនប្រជាជនស្លាប់ច្រើនជាងគេនៅក្នុងសង្គ្រាមលោកលើកទី២

           សង្គ្រាមលោកលើកទី២ គឺជាជម្លោះប្រដាប់អាវុធដ៏ធំបំផុតនិងសម្លាប់មនុស្សអស់ច្រើនបំផុតក្នុងប្រវត្តិសាស្ត្រ។ សង្គ្រាមនេះបានឡោមពទ្ធជុំវិញពិភពលោក ដោយបានជំរុញស្ទើរតែគ្រប់ប្រទេសទាំងអស់នៅលើភពផែនដីឱ្យចូលរួមក្នុងសម្ពន្ធភាពយោធាមួយក្នុងចំណោមសម្ពន្ធភាពយោធាចំនួនពីរ។

           ត្រឹមតែប្រទេសតូចៗចំនួនពីរដែលមានសង្គ្រាមនឹងគ្នា ក៏មានមនុស្សស្លាប់ឬរងរបួសរាប់រយរាប់ពាន់នាក់ដែរ ចុះទម្រាំប្រទេសមហាអំណាចធំៗជាច្រើនដែលមានកងកម្លាំងយោធាខ្លាំងៗ បំពាក់ដោយអាវុធធន់ធ្ងន់និងទំនើបៗ ធ្វើសង្គ្រាមជាមួយគ្នាទៀតនោះ តើមានមនុស្សប៉ុន្មានលាននាក់ដែលស្លាប់នៅក្នុងសង្គ្រាម? ហើយតើប្រទេសណាខ្លះដែលមានចំនួនអ្នកស្លាប់ច្រើនជាងគេបំផុត​នៅក្នុងសង្គ្រាមលោកដ៏កំណាចមួយនេះ? ខាងក្រោម គឺជាប្រទេសដែលមានចំនួនមនុស្សស្លាប់នៅក្នុងសង្គ្រាមលោកលើកទី២ច្រើនជាងគេបំផុត៖

១- សហភាពសូវៀត មានចំនួនអ្នកស្លាប់ចន្លោះពី២០ ទៅ២៧លាននាក់

២- ប្រទេសចិន មានចំនួនអ្នកស្លាប់ចន្លោះពី១៥ ទៅ២០លាននាក់

៣- ប្រទេសអាល្លឺម៉ង់ មានចំនួនអ្នកស្លាប់ចន្លោះពី៦ ទៅ៧.៤លាននាក់

៤- ប្រទេសប៉ូឡូញ មានចំនួនអ្នកស្លាប់ចន្លោះពី៥.៩ ទៅ៦លាននាក់ និង

៥- ហូឡង់ខាងកើត មានចំនួនអ្នកស្លាប់ចន្លោះពី៣ ទៅ​៤លាននាក់។

សរុបមក សហភាពសូវៀតត្រូវគេប៉ាន់ស្មានថាមានចំនួនអ្នកស្លាប់និងរបួសច្រើនជាងគេបំផុតនៅក្នុងសង្គ្រាមលោកលើកទី២។ ក្នុងចំណោមសាធារណរដ្ឋទាំង១៥របស់សហភាពសូវៀត ប្រទេសរុស្ស៊ីមានចំនួនអ្នកស្លាប់និងរបួសច្រើនជាងគេបំផុត ដោយផ្នែកយោធាមានចំនួនអ្នកស្លាប់៦ ៧៥០ ០០០នាក់ បូករួមទាំងជនស៊ីវិលចំនួន៧ ២០០ ០០០នាក់បន្ថែមទៀត។ ឯប្រទេសអ៊ុយក្រែនវិញ គឺជាប្រទេសទី២ដែលមានចំនួនអ្នកស្លាប់ច្រើនគេនិងរបួសច្រើនជាងគេបន្ទាប់ពីប្រទេសរុស្ស៊ី ដោយក្នុងនោះផ្នែកយោធាមានអ្នកស្លាប់ចំនួន១ ៦៥០ ០០០នាក់និងជនស៊ីវិលមានអ្នកស្លាប់ចំនួន៥ ២០០ ០០០នាក់៕

----

បកប្រែនិងរៀបរៀងដោយ៖ រិន ធារ៉ា

កែសម្រួលដោយ៖ ជុំ អូវីស្សា

©គ្រឹះស្ថានស្រាវជ្រាវនិងបោះពុម្ពផ្សាយហាតប៊ុក

HeartBookCambodia

ប្រភពឯកសារ៖ https://worldpopulationreview.com/country-rankings/world-war-two-casualties-by-country