ការធ្វើបទបង្ហាញលើកដំបូងនឹងធ្វើឱ្យអ្នកគិតច្រើន បារម្ភច្រើន និងភ័យខ្លាចខ្លាំង។ តាមពិតទៅ វាគឺជាធម្មជាតិរបស់មនុស្សយើងគ្រប់រូប ដែលសុទ្ធតែធ្លាប់ឆ្លងកាត់នូវអារម្មណ៍បែបនេះ គ្រាន់តែមនុស្សម្នាក់ៗមានរបៀបនៃការគ្រប់គ្រងនិងតទល់ទៅនឹងវាដាច់ដោយឡែកពីគ្នាតែប៉ុណ្ណោះ។ តើយើងត្រូវធ្វើយ៉ាងណាដើម្បីអាចគ្រប់គ្រងភាពភ័យខ្លាចទាំងនោះបាន?
ខាងក្រោមនេះ គឺជាវិធីសាស្រ្តមួយចំនួនដែលអាចជួយអ្នកក្នុងការគ្រប់គ្រងភាពភ័យខ្លាចបាន៖
១- អនុវត្តឬហាត់សមឱ្យបានច្រើននិងគ្រប់ពេលដែលអ្នកមានឱកាស
មិនថានៅម្នាក់ឯង ហៅមិត្តភក្តិមកកំដរ ឬនៅជាមួយនឹងគ្រួសារឡើយ។
អនុវត្តកាន់តែច្រើន អ្នកនឹងធ្វើបានកាន់តែល្អ។
២- គិតវិជ្ជមានជានិច្ចនិងត្រូវធ្វើចិត្តឱ្យហើយក្នុងការទទួលយកលទ្ធផល
ទោះបីបើវានឹងស្ថិតក្នុងស្ថានភាពបែបណាក៏ដោយ។ នៅពេលដែលអ្នកធ្វើវាឱ្យអស់ពីសមត្ថភាព
អ្នកនឹងគ្មានការស្តាយក្រោយចំពោះលទ្ធផលឡើយ។
៣- ទៅដល់ឱ្យបានមុនម៉ោង
ដើម្បីឱ្យអ្នកមានពេលត្រៀមខ្លួន និងសម្របខ្លួនជាមួយនឹងទីកន្លែង
ក៏ដូចជាអ្នកចូលរួមមុនពេលចាប់ផ្តើម។ ទៅដល់លឿន តែងតែល្អជាងទៅដល់យឺត។
៤- ដកដង្ហើមវែងៗប្រសិនបើអ្នកចាប់ផ្តើមភ័យ
ព្រោះវានឹងជួយសម្រួលអារម្មណ៍របស់អ្នកឱ្យធូរស្រាលមកវិញ។
តាំងចិត្តឱ្យស្ងប់ហើយផ្អាកបន្តិចដើម្បីទុកពេលឱ្យខ្លួនឯងសម្រាក
ហើយសឹមបន្តបទបង្ហាញតទៅទៀត
៥- ចូរទទួលទានទឹក
ព្រោះនៅពេលដែលអ្នកមានអារម្មណ៍ភ័យខ្លាំង ករបស់អ្នកនឹងស្ងួត ដូច្នេះ នៅពេលដែលអ្នកផ្អាកបន្តិចនោះ
អ្នកអាចឆ្លៀតពេលញ៉ាំទឹកផ្សើមបំពង់កនិងសម្រួលសំឡេងឡើងវិញ។
៦- ការញញឹមគឺជាអ្វីដែលអ្នកមិនគួររំលងនោះឡើយ។
ការញញឹមនឹងជួយជំរុញទឹកចិត្តនិងកម្លាំងចិត្តរបស់អ្នក។ ជាពិសេស នៅពេលដែលអ្នកញញឹមទៅកាន់នរណាម្នាក់
គេច្បាស់ជាញញឹមមកកាន់អ្នកវិញ។ អ្នកនឹងទទួលបាននូវទំនុកចិត្តបន្ថែមពីការញញឹមនេះ។
រៀបរៀងដោយ៖ គង់ លក្ខណា
រក្សាសិទ្ធិដោយ៖ គ្រឹះស្ថានហាតប៊ុក
Comments
Post a Comment